«Այսօր վրաց ժողովուրդն իր խոսքն ասաց: Վրացի ժողովուրդն ասաց, որ մեր ընտրությունը եվրաինտեգրումն է։ Մենք հրաժարվեցինք մեկուսացումից և այսօր երեկոյան անպայման կամրագրենք այս հաղթանակը բոլոր ընտրատեղամասերում»,- հայտարարել է «Միասնություն-Ազգային շարժում» կուսակցության առաջնորդ Գիորգի Վաշաձեն:

Վաշաձեն՝ նրա ընդդիմադիր գործընկերը, շնորհավորում է կողմերին հաղթանակի կապակցությամբ և ասում, որ կոալիցիոն կառավարությունը Վրաստանին կբերի Եվրամիություն։

«Շնորհավորում եմ հաղթանակի կապակցությամբ, այս հաղթանակը մերն է, այս հաղթանակը ձերն է, ամբողջ Վրաստանինը։ Այս հաղթանակը Վրաստանի պատմության մեծ մասն է։ Այսօր վրաց ժողովուրդն իր խոսքն ասաց: Վրացի ժողովուրդն ասաց, որ մեր ընտրությունը եվրաինտեգրումն է։ Մենք հրաժարվեցինք մեկուսացումից, այս հաղթանակը անպայման կամրապնդենք բոլոր ընտրատեղամասերում այսօր երեկոյան։ Ցանկանում եմ շնորհավորել ընդդիմադիր կուսակցությունների մեր գործընկերներին բոլոր նրանց, ովքեր հաղթահարեցին անցողիկ շեմը։ Նրանց հետ միասին մենք կձևավորենք կոալիցիոն կառավարություն, որը Վրաստանին կմտցնի Եվրամիություն որքան հնարավոր է շուտ։ Մենք բոլորս արժանապատիվ կապրենք մեր երկրում. Վրաստանը շուտով կդառնա Եվրամիության անդամ. Ուզում եմ դիմել մարդկանց մեծ բանակին, ովքեր դեռ տեղամասերում են, հիմա ամենակարևորը բոլոր ձայները պաշտպանելն է, թեժ գիծն աշխատում է, ծրագրերը՝ միացված։ Մենք բոլորս գիտենք՝ ինչպես վարվել, որպեսզի բոլոր ձայները բացարձակապես պաշտպանված լինեն։ Առավելությունն այնքան մեծ է, որ «Վրացական երազանք»-ին ոչինչ չի հաջողվի անել։ Կարծում եմ՝ «Երազանք»-ը կիջնի 40%-ից, երբ ավելացվեն ներգաղթյալների և տեղամասային ձայները։ Շնորհավորում եմ, առա’ջ Եվրոպա»,- ասել է Վաշաձեն։