Գիորգի Վաշաձե. Մենք շատ կամավորներ, դիտորդներ ունենք, որպեսզի «Վրացական երազանքին» իրավունք չտանք կեղծել ընտրությունները
«Ռազմավարությունը՝ շինարար» կուսակցության ղեկավարը մեղադրում է իշխող թիմին ընտրություններից առաջ մարդկանց վախեցնելու մեջ: Գիորգի Վաշաձեի խոսքով, «Վրացական երազանքը» ընտրությունները կեղծելու համար օգտագործում է երկու մեթոդ՝ ահաբեկում կորոնավիրուսով և ընտրողների ուղղակի կաշառք:
«Ռազմավարությունը՝ շինարար» կուսակցության առաջնորդը կոչ է անում քաղաքացիներին, չվախենալ համաճարակից ու գնալ ընտրությունների:
«Քիչ ժամանակ է մնացել մինչ կառավարության փոփոխությունները, և իշխանությունը երկու վատագույն զենքն է օգտագործում ընտրությունների արդյունքները շահարկելու համար: Առաջինը կորոնավիրուսով մարդկանց վախեցնելն է: Իշխանությունը կարծում է, որ ավելի քիչ ընտրողներ իրենց համար լավ է և երկրորդը՝ ուղղակի կաշառք: Ավելի ու ավելի շատ տեղեկություններ կան այն դեպքերի մասին, երբ ընդդիմության ընտրողներից գնում են ինքնությունը հաստատող քարտեր: Մենք աշխատում ենք այս թեմաների շուրջ և կներկայացնենք նաև փաստեր:
Ես ցանկանում եմ դիմել «Վրացական երազանքին»: Ընկերներ, ձեր ստացած առավելագույն արդյունքը կլինի 30-35 տոկոս: Ինչ մանիպուլյացիա էլ անեք, մենք շատ կամավորներ, դիտորդներ ունենք, ովքեր ձեզ իրավունք չեն տա կեղծել ընտրությունները: Իմացեք, որ եթե փորձեք շահարկել ընտրությունները, ապա պատշաճ պատասխան կստանաք:
Ես խնդրում եմ քաղաքացիներին, շատ եմ խնդրում, չվախենալ կորոնավիրուսից: Ժողովրդավարական երկրներից ոչ մեկում, որտեղ ընտրություններ են անցկացվել վիրուսի ժամանակաշրջանում, վարակը չի դարձել տարածման աղբյուր: Քանի որ ընտրությունները շատ կազմակերպված գործընթաց է, որտեղ հետաձգման զրոյական հնարավորություն կա, եկեք մասնակից չդառնանք «Վրացական երազանքի» քարոզարշավին, և ես ուղղակիորեն մեղադրում եմ պարոն Գախարիային, «Վրացական երազանքին», ժողովրդին վախեցնելու մեջ, քանի որ նրանք կարծում են, որ կորոնավիրուսի ագրեսիվ արշավի պայմաններում մարդիկ չեն գնա ընտրությունների», – հայտարարել է Գիորգի Վաշաձեն: