«Ազգային շարժում» կուսակցության ճգնաժամը հաղթահարված է, մենք հիմա մտել ենք ակտիվ աշխատանքի փուլ, և դուք կտեսնեք, որ մեր աջակցությունն ամեն օր կավելանա, քանի որ մենք ուզում ենք ժողովրդի համար լավ բան անել,- այս մասին հայտարարել է «Ռազմավարություն Աղմաշենեբելի»-ի առաջնորդ Գիորգի Վաշաձեն։

Վաշաձեի խոսքով՝ դուռը բաց է բոլորի համար, ովքեր իրեն տեսնում են կոալիցիոն նոր մեխանիզմում։

«Կարծում եմ, որ Միխեիլ Սաակաշվիլին պետք է ակտիվ դերակատարություն ունենա ազատագրական շարժման մեջ, ես դա կանվանեի, ինչը նշանակում է ազատագրել Վրաստանը ռուս գործակալներից՝ Փարցխալաձեից և մյուսներից։ Սա ամբողջ բովանդակությունն է ու սպասենք, անպայման կտեսնենք այս ակտիվ գործողությունները։ Անկախ նրանից, թե դեկտեմբերին ինչպես ավարտվի թեկնածուի կարգավիճակ ստանալու գործընթացը, «Վրացական երազանք»-ի հետ միասին մենք չենք կարողանա դառնալ Եվրամիության լիիրավ անդամ և չենք կարողանա Վրաստան բերել մեզ անհրաժեշտ լավ բաները։ Ուստի մենք պետք է մեր ազգային խնդիր համարենք իշխանության փոփոխության խնդիրը, որ Վրաստանը սկսի արագ զարգացում և Վրաստան բերի եվրոպական կենսամակարդակ, բարգավաճում և խաղաղություն։ Մեզ իսկապես պետք է փոխել Իվանիշվիլիի ռեժիմը՝ «Վրացական երազանք», որը դարձել է հետամնացության խորհրդանիշ և պորտալարով կապված է Ռուսաստանին։ Ուրիշ ճանապարհ չկա։ Թոշակառուն նույնպես կունենա արժանապատիվ թոշակ, երիտասարդը՝ զարգանալու հնարավորություն, գործազուրկը՝ աշխատանք, իսկ գիտելիք ձեռք բերել ցանկացողին կտրվի կրթության ամենաբարձր մակարդակը։ Չի լինի մի ոլորտ, որտեղ մենք մեծ տրանսֆորմացիա չսկսենք։ Դա մեր հիմնական խնդիրն է, և ի վերջո Եվրամիության լիիրավ անդամակցությունն անցնում է իշխանափոխությամբ»,- ասել է Վաշաձեն։