Ինձ համար կարևոր է այս երկու օրվա ընթացքում պարզել, թե ինչ դիրքորոշում ունի Եվրամիությունը, – ասաց Քրիստիան Դանիելսոնի և ընդդիմադիր կուսակցությունների հանդիպումից առաջ «Ռազմավարությունը՝ շինարար» կուսակցության առաջնորդ Գիորգի Վաշաձեն:

Ըստ Վաշաձեի, առաջիկա երկու օրվա ընթացքում պարզ կլինի՝ ընդդիմությունն ու իշխող թիմը համաձայնության միջով կանցնեն, թե՞առճակատման:

«Դա շատ կարևոր հանդիպում է, և ես պատրաստվում եմ ներկայացնել մեր դիրքորոշումը, այդ թվում, արտահերթ ընտրությունների և քաղբանտարկյալների վերաբերյալ: Ինձ համար շատ կարևոր է այս երկու օրվա ընթացքում պարզել, թե որն է ԵՄ դիրքորոշումը, քանի որ նոր գործառույթը, որով ԵՄ-ն մտել է այս գործընթաց, նշանակում է, որ նրանք կարող են այլ դիրքորոշում ունենալ և կողմերին առաջարկել համաձայնության հատուկ բովանդակություն բոլոր վեց կետերի վերաբերյալ: Ընդհանրապես, կարծում եմ, որ համաձայնությունն անհրաժեշտ է մեր երկրին, այլ ոչ թե որևէ քաղաքական ուժի: Մենք բոլորս պետք է պետականորեն մոտենանք այս հարցին: Շատ բան կախված է «Վրացական երազանքից», այլ ոչ թե ընդդիմությունից», – ասաց Գիորգի Վաշաձեն: