Գիորգի Շարաշիձե – Մենք չպետք է զարմանանք Եվրախորհրդարանի քննադատական բանաձևերից, սա հիմնված է ժողովրդավարության անկման և «Երազանք» կուսակցության վերջերս ընդունած հակաժողովրդավարական օրենքների վրա
Փաստն այն է, որ Հայաստանն ավելի արագ է զարգանում և ավելի արդյունավետ քայլեր է ձեռնարկում Եվրամիության հետ մերձեցման ճանապարհին, քան Վրաստանը։ Չնայած այն հանգամանքին, որ Վրաստանը ԵՄ անդամակցության թեկնածու երկիր է, այն ավելի հեռու է ԵՄ անդամակցությունից, քան թեկնածուի կարգավիճակ ստանալուց հետո, վրացական Առաջին ալիքին ասել է «Գախարիան Վրաստանի համար» կուսակցության անդամ Գիորգի Շարաշիձեն։
Նրա խոսքով՝ դա պայմանավորված է ժողովրդավարական հետընթացով, որը նկատում են գործընկերները։
«Տխուր իրականությունն այն է, որ Վրաստանը հեռանում է ԵՄ անդամակցության ճանապարհից, և դրա պատասխանատվությունը միայն կառավարության վրա է։ Իրակլի Կոբախիձեն հաճախ է ասում, որ Եվրախորհրդարանի բանաձևը արժեք չունի, և երբ կա նման վերաբերմունք, մեզ չպետք է զարմացնեն Եվրախորհրդարանի քննադատական բանաձևերը։ Այս բանաձևերը հիմնված են ժողովրդավարության անկման և «Երազանք» կուսակցության վերջերս ընդունած հակաժողովրդավարական օրենքների վրա», – ասել է Շարաշիձեն։