«Միացյալ ազգային շարժման» նախագահի թեկնածու Գիորգի Մումլաձեն հայտարարում է, որ շարունակելու է նախընտրական քարոզարշավը։

Ինչպես ասել է Գիորգի Մումլաձեն «Ազգային շարժման» գրասենյակում կայացած ճեպազրույցում, մի քանի օր դադարից հետո Վրաստանում ընտրությունների նախապատրաստությունը կշարունակվի ակտիվ ռեժիմով։

Մումլաձեի խոսքով՝ շտաբի ղեկավարը կլինի Ալիկա Կուպրավան, իսկ շրջանայինը՝ Գիորգի Կապանաձեն։ Նրա պարզաբանմամբ՝ քարոզարշավի շրջանակներում նախատեսվում է մարզեր գնալ։

«Օրեր առաջ մենք հայտարարեցինք, որ որոշակի ժամանակով թայմաութ ենք վերցրել՝ կապված մեր նախընտրական քարոզարշավի պատրաստման հետ, քանի որ դա վերաբերում է Միխեիլ Սաակաշվիլիի առողջական վիճակին և այն հարցերին, որոնք պահանջում են համախմբված որոշում, թե ինչ պետք է լինի և ինչպես պետք է շարունակվի բողոքի ակցիան։ Նախընտրական քարոզարշավը շարունակում ենք նույն ռեժիմով, ինչ սկսել ենք, և դրա համար պետք է արդյունավետ աշխատել։ Շտաբի ղեկավարը կլինի Ալիկա Կուպրավան, իսկ շրջանի ղեկավարը՝ Գիորգի Կապանաձեն։ Այս երկու հոգին կհամակարգեն շտաբի աշխատանքը, իսկ ինչ վերաբերում է Սաակաշվիլիի ազատ արձակմանն ու համերաշխությանը, ապա մենք, բնականաբար, համերաշխ ու միասնական կլինենք բոլոր քաղաքական խմբերի հետ, որոնք հավաքված են այս կուսակցության շուրջ։ Մենք կհամագործակցենք ցանկացածի հետ, քանի որ այս կուսակցության առաջնային նպատակը Միխեիլ Սաակաշվիլիին ազատելն ու փրկելն է»,- ասել է Գիորգի Մումլաձեն։