Սահմանադրության համահեղինակը պետք է իմանա, որ նախագահը պետության գլուխն է։ Նա երկրի միասնության և ազգային անկախության երաշխավորն է, արտաքին հարաբերություններում ներկայացնում է պետությունը և երկրի գերագույն հրամանատարն է, ասել է նախագահի խորհրդարանական քարտուղար Գիորգի Մսխիլաձեն։

Մսխիլաձեն պատասխանել է Անվտանգության խորհրդի վերաբերյալ Իրակլի Կոբախիձեի հայտարարությանը, ըստ որի. «Նախագահն ունի կոնկրետ իրավասություններ և պետք է գոնե հինգերորդ տարում գիտակցի, որ սա խորհրդարանական հանրապետություն է, կառավարությունն է պատասխանատու որոշումների կայացման համար»։

Գիորգի Մսխիլաձեի խոսքով, Անվտանգության խորհրդի պարտականությունն է գնահատել ներքին ու արտաքին սպառնալիքները և նշված տեղեկատվությունը տրամադրել երկրի գերագույն հրամանատարին։

«Ցանկանում եմ պատասխանել մեծամասնության ղեկավարի այն հայտարարությանը, որ նա երեկ արել է սահմանադրության և նախագահի պարտականությունների վերաբերյալ։ Կարծում եմ, որ բնակչությանը միտումնավոր մոլորեցնում են, քանի որ այս սահմանադրության համահեղինակը պետք է իմանա, որ նախագահը պետության ղեկավարն է։ Նա երկրի միասնության և ազգային անկախության երաշխավորն է։ Նա ներկայացնում է պետությունը արտաքին հարաբերություններում և հանդիսանում է երկրի գերագույն հրամանատարը։ Ինչ վերաբերում է Անվտանգության խորհրդին, ապա Անվտանգության խորհրդի պարտականությունն է գնահատել ներքին և արտաքին սպառնալիքները և վերը նշված տեղեկատվությունը վերլուծական ձևով տրամադրել երկրի գերագույն գլխավոր հրամանատարին և երկրի ղեկավարությանը», – ասել է Գիորգի Մսխիլաձեն։