Վարչապետը պատրաստ է զրուցել ընթացիկ հետաքննության հետ կապված հարցերի շուրջ, իհարկ է առանց քաղաքական նպատակներ հետապնդող անձանց մասնակցությամբ, անձամբ հանդիպել Խորավայի փողոցում սպանված երկու անչափահասների ծնողների հետ,-այս մասին առաջին ալիքին հայտնել են Վրաստանի վարչապետի մամուլի ծառայությունից:
Նրանց հայտարարությամբ, վարչապետ Գիորգի Կվիրիկաշվիլին առաջին իսկ օրը գնացել է խորհրդարանի շենքի մոտ ընթացող ցույցին, որից հետո հայտարարել է կոնկրետ քայլեր ձեռնարկելու մասին, որոնք իշխանությունները իրականացնելու էին հասարակությունում գոյություն ունեցող հարցերին պատասխանելու համար:
«Դրա հետ մեկտեղ, հունիսի 1-ին, կառավարության ղեկավարը՝ ներքին գործերի նախարարի և կառավարության ղեկավարի հետ միասին, հանդիպել է ժողովրդական պաշտպան Նինո Լոմջարիային, որից լսել է հավելյալ լրատվություն երկու երիտասարդի սպանության գործով գոյություն ունեցող հարցերի շուրջ:
Երեկ, քաղխորհրդի նիստի ավարտից հետո, վարչապետը մանրամասն զրուցել է իշխանությունների կողմից սկսած գործընթացի մասին: Այս փուլում հարկավոր է գոյություն ունեցող ինստիտուցիոնալ ձևաչափերի առավելագույնս օգտագործում և դրանց թափանցիկության ապահովում:
Բացի այդ, վարչապետը պատրաստ է, ընթացիկ հետաքննության հետ կապված հարցերի շուրջ զրուցելու համար, իհարկ է առանց քաղաքական նպատակներ հետապնդող անձանց մասնակցությամբ, անձամբ հանդիպել Խորավայի փողոցում սպանված երկու անչափահասների ծնողների հետ, նրանց ցանկության դեպքում ժողովրդական պաշտպանի մասնակցությամբ: Իսկ մամուլին հնարավորություն կտրվի հանդիպման ավարտից հետո ձայնագրել հանդիպման մասնակիցներին»,-հայտարարում են կառավարության մամուլի ծառայությունում:
Խորավայի փողոցում սպանված անչափահասներից մեկի հայրը՝ Զազա Սարալիձեն, երեկ հայտարարել էր, որ ծրագրում է հանդիպել Վրաստանի վարչապետի հետ:
