Բոլոր տեսանկյուններից իշխանության կողմից կա շատ բարձր ակտիվություն թեկնածուի կարգավիճակ ստանալու համար, և երբ մոտենում է այն օրը, երբ Եվրահանձնաժողովը պետք է որոշում կայացնի, տեսնում ենք, որ կա աջակցություն ԵՄ տարբեր երկրներից,- այս մասին ասաց «Վրացական երազանք» խմբակցության փոխնախագահ Գիորգի Կախիանին։

Բացի այդ, Կախիանին նշել է, որ Հունգարիայի վարչապետ Վիկտոր Օրբանի այցը շատ կարևոր է, քանի որ նա Վրաստանի առաջին աջակիցներից է եվրաինտեգրման ճանապարհին, և այս ֆոնին Բուլղարիայի խորհրդարանի որոշումը նույնպես շատ կարևոր էր:

«Այն այցերը, հանդիպումները, որ վարչապետը ունեցել է այլ երկրների վարչապետների հետ, շատ կարևոր են, մենք աջակցության ուղերձներ ենք լսել։ Ուստի այս ամենը, ի վերջո, կտա մեզ ցանկալի արդյունք, որը կոչվում է թեկնածուի կարգավիճակ ստանալ»,- ասաց Գիորգի Կախիանին։