«Հանուն Վրաստանի» կուսակցության առաջնորդ Գիորգի Գախարիան ԱՄՆ-ում հանդիպեց NDI-ի նախագահ Դերեք Միտչելին:
Կուսակցության մամուլի ծառայության փոխանցմամբ, Գիորգի Գախարիան Դերեք Միտչելի հետ քննարկել է Վրաստանում նախատեսված տեղական ինքնակառավարման մարմինների ընտրությունները: Նա նաև ներկայացրել է «Հանուն Վրաստանի» կուսակցության հետագա ծրագրերը:
«Հատուկ ուշադրություն է դարձվել ժողովրդավարության, ուժեղ պետական ինստիտուտների կառուցմանը, կոռուպցիայի դեմ պայքարին, մարդու իրավունքների պաշտպանության ուղղությամբ առկա մարտահրավերներին և այդ մարտահրավերները հաղթահարելու ուղիներին:
Զրույցը կենտրոնացավ ապրիլի 19-ի համաձայնագրի դեմ արդարադատության համակարգում ընթացող գործընթացներին», – հայտնում են կուսակցության մամուլի ծառայությունից: