Վրաստանի և ԱՄՆ-ի միջև ռազմավարական գործընկերությունը ցանկացած տիպի քաղաքական կամ կուսակցական շահերից վեր է,- այս մասին Վրաստանի վարչապետ Գիորգի Գախարիան լրագրողներին հայտնել է սենատում պաշտպանության իրավազորման արձանագրության հաստատման և սենատոր Ջիմ Ռիշի նախաձեռնության տապալման մասին:

Խոսքը վերաբերում է ԱՄՆ-ի սենատի արտաքին կոմիտեի նախագահ սենատոր Ջիմ Ռիշի նախաձեռնած 2021 թվականի պաշտպանության բյուջեում փոփոխություններին, որի համաձայն, «Ընտրական բարեփոխման պատրաստված համաձայնագրին աջակցելու համար ընդդիմության կուսակցությունները նախապայման են ներկայացնում քաղաքական բանտարկյալների, այդ թվում, Գիորգի Ռուռուայի ազատ արձակումը: Սենատը համարում է, որ մարտի 8-ի համաձայնագիրը լիովին կատարված չէ»:

Վրաստանի վարչապետ Գիորգի Գախարիայի գնահատմամբ, ԱՄՆ-ի և Վրաստանի միջև գործընկերությունը խորանում է, որը ներառում է բազմաթիվ ոլորտներ:

Կառավարության ղեկավարի հայտարարությամբ, Վրաստանի կառավարությունն ուրախ է, երբ իր ռազմավարական գործընկերները գնահատում են երկրի ժողովրդականացումը:

ԱՄՆ-ի սենատը հաստատել է 2021 թվականի ֆիսկալ տարվա ԱՄՆ-ի պաշտպանության իրավազորման օրինագիծը, որտեղ մեկ անգամ արտահայտվել է ռազմավարական գործընկերության կողմից Վրաստանի կայուն և հաստատուն աջակցությունը: Փաստաթուղթը ներառում է Վրաստանի տարածքային ամբողջականության, եվրատլանտյան ինտեգրման, երկրի պաշտպանունակության կայունացման ուղղությամբ աջակցող ուղերձներ: