Այսօր մենք՝ «Հանուն Վրաստանի» կուսակցությունը, կայացրել ենք մտածված և սկզբունքային որոշում՝ օգտագործել մեր մանդատները երկրի տեղական ինքնակառավարման մարմիններում, ինչպես նաև խորհրդարանում՝ քաղաքական տարածք վերականգնելու և հասարակական կարծիքի համար պայքարելու համար, – այս մասին X սոցիալական ցանցում գրում է «Գախարիան հանուն Վրաստանի» կուսակցության առաջնորդ Գիորգի Գախարիան։

Ինչպես գրում է Գախարիան, հիմա բոլորը միասին պետք է նվաճեն վրաց ժողովրդի սրտերն ու մտքերը։

«2025 թվականի հոկտեմբերի 4-ի մունիցիպալ ընտրությունների արդյունքները և այսպես կոչված խաղաղ տապալման փորձը կրկին ցույց տվեցին, որ բոյկոտը դատարկել է քաղաքական ասպարեզը, Վրաստանի քաղաքացիներին անպաշտպան թողել «Վրացական երազանքի» ռեժիմի քարոզչության և ճնշումների դեմ, ամրապնդել դրա ավտորիտար կառավարումը և խորացրել արմատականացումը։ Հիմա, միասին, մենք պետք է նվաճենք վրաց ժողովրդի սրտերն ու մտքերը՝ մեր ազգի քաղաքակրթական ընտրությունը պաշտպանելու, եվրոպական ընտանիքի մաս կազմելու և Վրաստանի Սահմանադրության 78-րդ հոդվածը որպես այս ընտրության անկյունաքար պաշտպանելու համար», – գրում է Գիորգի Գախարիան։

«Գախարիան հանուն Վրաստանի» կուսակցությունը որոշել է մտնել խորհրդարան։