Վրաստանի վարչապետ Գիորգի Գախարիան Վրաստանում հավատարմագրված դեսպանների հետ հանդիպմանը խոսել է առաջիկա խորհրդարանական ընտրությունների մասին:

Նրա խոսքով, համավարակի պայմաններում ընտրությունների անցկացումը կլինի բավականին լուրջ մարտահրավեր, սակայն ընթանում են աշխատանքներ և ամեն բան կարվի, որպեսզի ընտրությունների պատճառով տարածման վտանգը լինի նվազագույնը:

«Մարդիկ պետք է կարողանան աստիճանաբար վերադառնալ իրենց սոցիալական, բնականոն կյանքին: Բոլորս լավ հիշում ենք, որ մեզ համար Վրաստանում ընտրությունների տարի է, մի քանի ամիս անց կանցկացվեն ընտրություններ: Համավարակի պայմաններում ընտրությունների անցկացումը շատ լուրջ մարտահրավեր է, երբ խոսում ենք ֆիզիկական ընտրությունների մասին, երբ մարդիկ պետք է գնան ընտրատարածքներ և արձանագրեն իրենց ընտրությունը, մենք այդ ուղղությամբ կատարում ենք շատ լուրջ քայլեր, որպեսզի ընտրությունների պատճառով համաճարակային կամ վարակի տարածման վտանգ չլինի և մեզ դա կհաջողվի ցանկացած դեպքում»,- հայտարարել է Գիորգի Գախարիան: