Գիորգի Գախարիա. Այսօր, ինչպես ԱՄՆ-ում, այնպես էլ ԵՄ-ում, Վրաստանի նկատմամբ աջակցությունն այնպիսին է, ինչպիսին տարիներ շարունակ չի եղել, մենք պետք է ամեն ինչ անենք, որպեսզի պահպանենք աջակցության այս մակարդակը
Մենք պետք է շնորհակալություն հայտնենք մեր միջազգային գործընկերներին, ովքեր անմիջականորեն մասնակցում են բևեռացման խնդրի լուծմանը՝ որպես միջնորդներ, – այս մասին Վրաստանի վարչապետի պաշտոնակատար Գիորգի Գախարիան հայտարարել է արտասահմանում Վրաստանի դիվանագիտական առաքելությունների ղեկավարների «Դեսպանների կոնֆերանս 2020. Վրաստանի արտաքին քաղաքական գերակայությունները գլոբալ համաճարակի պայմաներում, նոր մարտահրավերներ և հնարավորություններ» ամենամյա հանդիպմանը, որն ընթանում է առցանց:
Նրա խոսքով, այսօր, ինչպես ԱՄՆ-ում, այնպես էլ Եվրամիությունում, Վրաստանին աջակցությունն աննախադեպ է, և մենք պետք է ամեն ինչ անենք, որպեսզի պահպանենք այդ օժանդակության մակարդակը:
«Բնականաբար, երբ մեր ռազմավարական գործընկերների՝ ԵՄ-ի և ԱՄՆ-ի դեսպանները ուղղակիորեն մասնակցում են այս գործընթացին, դա ցույց է տալիս մեր յուրաքանչյուր քաղաքացուն Վրաստանում ժողովրդավարացման գործընթացի կարևորությունը և ռազմավարական գործընկերների կողմից երկրի աջակցության մակարդակը: Սա եւս մեկ օրինակ է այն բանի, ինչին հասել ենք վերջին տարիներին՝ ձեր շնորհիվ: Իհարկե, այսօր, ինչպես ԱՄՆ-ում, այնպես էլ Եվրամիությունում, Վրաստանի աջակցությունն աննախադեպ է, և մենք պետք է ամեն ինչ անենք, որպեսզի պահպանենք այդ աջակցության մակարդակը», – ասաց Գիորգի Գախարիան:
