Այսօրվա հանրահավաքը խորհրդանշական հավաք է, սա Սաակաշվիլիին փրկել ցանկացողների ամբողջական մոբիլիզացիան չէ,- այս մասին Միխեիլ Սաակաշվիլիի աջակցության հանրահավաքում իր ելույթի ժամանակ ասել է «Ազգային շարժման» անդամ Գիորգի Չալաձեն։

Նրա խոսքով, կողմնակիցների համար կարևոր է միասին կանգնել Սաակաշվիլիի կյանքը փրկելու համար։

Չալաձեի խոսքով, ամենակարեւորը դատավարությունը ժամանակին սկսելն է, քանի որ հնարավոր է, որ Միխեիլ Սաակաշվիլին այլեւս ողջ չլինի։

«Այսօր մեր միասին լինելը կարևոր է Սահակաշվիլիի կյանքը փրկելու համար։ Այսօրվա հանրահավաքը քաղաքական կարգախոսներ չի կրում, ոչ մի քաղաքական կոչ չի հնչելու, դա խորհրդանշական հավաք է։ Սա Սաակաշվիլիին փրկել ցանկացող մարդկանց ամբողջական մոբիլիզացիան չէ։ Սա կոչ է Վրաստանին՝ թույլ չտալ նախագահ Սաակաշվիլիի մահը։

Ես ուզում եմ ձեզ ասել, որ Սաակաշվիլին այսօր չկարողացավ ոտքի կանգնել։ Մենք մի քանի քայլ հեռու ենք աղետից, այն ողբերգական օրվանից, երբ կորցնելու ենք նրան։ Ուստի բոլորը պետք է լսեն մեր ձայնը։ Չի կարելի ճնշում գործադրել դատարանի վրա: Ամենակարևորն այն է, որ դատավարությունը պետք է անցկացվի ժամանակին։ Հնարավոր է, որ նախագահն այլևս ողջ չլինի, եթե դատավարությունը չնշանակվի առաջիկա մի քանի օրվա ընթացքում»,- ասել է Գիորգի Չալաձեն։