Վրաստանի կրթության և գիտության նախարար Գիորգի Ամիլախվարին Ստրասբուրգ կատարած այցի շրջանակներում աշխատանքային հանդիպում է ունեցել Եվրոպայի խորհրդի գլխավոր քարտուղար Մարիա Պեյչինովիչ Բուրիչի հետ։
Ըստ ԿԳՆ-ի, հանդիպման շրջանակներում կողմերը կենտրոնացել են կրթության դերի կարևորության վրա ժողովրդավարության զարգացման գործում և քննարկել Վրաստանի կրթական համակարգի բոլոր մակարդակներում իրականացվող և նախատեսվող ծրագրերը։
Ելույթի ընթացքում նախարարը հատուկ շնորհակալություն է հայտնել ԵԽ գլխավոր քարտուղարին Վրաստանի ինքնիշխանությանն ու տարածքային ամբողջականությանը աջակցելու և օկուպացված տարածքներում ապրող աշակերտների կրթության ապահովման գործում ներդրած ավանդի համար։
«Շնորհակալություն վերջերս Վրաստան կատարած այցի համար՝ օկուպացիոն գծի մոտ։ Մեզ համար հատկապես կարևոր է երկրի ինքնիշխանությանն ու տարածքային ամբողջականությանը աջակցելը, և մենք շնորհակալություն ենք հայտնում այս ուղղությամբ ձեռնարկվող քայլերի համար։
Վրաստանի կրթության և գիտության նախարարությունը շատ լավ համագործակցում է դեսպանատան և դեսպանի հետ։ Մեզ համար կրթական համակարգի կատարելագործման առումով կարևոր է նպաստել Եվրոպական խորհրդի 2024-2030 թվականների կրթական ռազմավարության հիմնական բաղադրիչների տեղական համակարգին ինտեգրմանը:
Վրաստանը լիովին աջակցում և հավանություն է տալիս Ռեյկյավիկի գագաթնաժողովի հռչակագրին, ըստ որի՝ անհրաժեշտ է միջոցներ ներդնել կրթության մեջ՝ ժողովրդավարության և եվրոպական ընդհանուր արժեքների շուրջ երկրների միավորման համար։ Հատկապես ուզում եմ նշել ամենակարևոր փաստը, որ հռչակագրում կարևորվել է Վրաստանի հարցը, ինչի համար ևս մեկ անգամ ցանկանում եմ շնորհակալություն հայտնել»,- ասաց Գիորգի Ամիլախվարին։
Ելույթի ընթացքում նախարարը շեշտը դրեց Վրաստանում կրթության համընդհանուր հասանելիության վրա։ Նրա խոսքով, նախարարությունն ապահովել է կրթության բոլոր մակարդակներում հավասարապես մատչելի միջավայրի ստեղծումը, հետևաբար, այն, ինչ նախկինում հասանելի էր միայն հասարակության որոշ անդամների համար, այժմ բոլորը հնարավորություն ունեն ստանալ որակյալ կրթություն երկրում։
Հանդիպմանը մասնակցել է նաև Վրաստանի դեսպան, Եվրոպայի խորհրդում մշտական ներկայացուցիչ Թամար Տալիաշվիլին։
Տեղեկությունը տարածում է Վրաստանի կրթության և գիտության նախարարությունը։