Գիորգի Ամիլախվարին աշխատանքային հանդիպում է ունեցել Ադրբեջանի դիվանագիտական ակադեմիայի ռեկտորի հետ
Վրաստանի կրթության, գիտության և երիտասարդության հարցերով նախարար Գիորգի Ամիլախվարին պատվիրակության հետ աշխատանքային այցով գտնվում է Ադրբեջանի մայրաքաղաք Բաքվում։
Այցի շրջանակներում նախարարն աշխատանքային հանդիպում է ունեցել Ադրբեջանի դիվանագիտական ակադեմիայի (ADA Universiteti) ռեկտոր Հաֆիզ Փաշաևի հետ։ Կողմերը քննարկել են Վրաստանի բարձրագույն ուսումնական հաստատությունների և Ադրբեջանի դիվանագիտական ակադեմիայի միջև կապերի ամրապնդման և համատեղ գիտահետազոտական նախագծերի իրականացման հարցեր։
Գիորգի Ամիլախվարը շնորհակալություն է հայտնել Հազիֆ Փաշաևին արդյունավետ համագործակցության համար։ Նշենք, որ անցյալ տարի կրթական և մշակութային կապերի խորացման նպատակով Թբիլիսիի պետական համալսարանը, Վրաստանի տեխնիկական համալսարանը և Քութայիսիի միջազգային համալսարանը համագործակցության հուշագիր են ստորագրել Ադրբեջանի դիվանագիտական ակադեմիայի հետ։ Համագործակցության շրջանակներում նախատեսվում է կազմակերպել համատեղ փոխանակման ծրագրեր, հետազոտական նախագծեր և մասնագիտական վերապատրաստումներ՝ ինչպես դասախոսների, այնպես էլ ուսուցիչների, ինչպես նաև ուսանողների մասնակցությամբ։ Բացի այդ, հուշագրով նախատեսվում է աջակցություն տարբեր սեմինարների, գիտաժողովների, մշակութային ծրագրերի իրականացմանը։
Ադրբեջանի դիվանագիտական ակադեմիայի (ADA Universiteti) ռեկտորը շնորհակալություն է հայտնել Գիորգի Ամիլախվարիին սերտ համագործակցության համար և պատրաստակամություն հայտնել խորացնել առկա գործընկերությունը։ Հանդիպմանը մասնակցել են կրթության, գիտության և երիտասարդության նախարարի առաջին տեղակալ Ալեքսանդր Ծուլաձեն, տեղակալ Նոդար Պապուկաշվիլին, Իվանե Ջավախիշվիլիի անվան Թբիլիսիի պետական համալսարանի ռեկտոր Ջաբա Սամուշիան, Վրաստանի տեխնիկական համալսարանի ռեկտոր Դավիթ Գուրգենիձեն և Քութայիսիի միջազգային համալսարանի ռեկտոր Ալեքսանդր Թևզաձեն։
Տեղեկությունը տարածում է Վրաստանի կրթության նախարարության մամուլի ծառայությունը։