Վրաստանի կրթության, գիտության և երիտասարդության նախարար Գիորգի Ամիլախվարին շնորհավորում է բոլոր երեխաներին Երեխաների պաշտպանության միջազգային օրվա առթիվ։

Ինչպես նշում է նախարարը, նախարարության հիմնական մտահոգությունը երեխաների զարգացմանը նպաստելն ու համապատասխան պայմանների ստեղծումն է։

«Շնորհավորում եմ երեխաների պաշտպանության միջազգային օրվա առթիվ։ Երեխաները մեր երկրի ապագան են, մեր վաղվա օրը։ Գոնե յուրաքանչյուր փոքրիկ արժանի է խաղաղ, անհոգ, ուրախ և հնարավորություններով լի կյանքի։ Այդ իսկ պատճառով այսօր մեր հիմնական խնդիրն է նպաստել երեխաների զարգացմանը և նրանցից յուրաքանչյուրի համար ստեղծել համապատասխան պայմաններ։

Անձամբ ես կանեմ ամեն ինչ, որպեսզի Վրաստանի բոլոր երեխաների համար հավասարապես մատչելի, առողջ և խաղաղ կրթական միջավայր ապահովվի, քանի որ մեր երեխաների կրթությունն ու զարգացումը ազատ, ուժեղ եվրոպական պետություն կառուցելու հիմնական նախապայմանն է։

Հենց այս նպատակով էլ մենք շարունակում ենք մի շարք նախագծերի ու նախաձեռնությունների իրականացումը։ Հավատում եմ, որ համատեղ ջանքերով մենք անպայման կհասնենք ցանկալի արդյունքների, և նոր սերունդը շատ հաջողություններ կբերի Վրաստանին։

Շնորհավորում եմ երեխաներին, նրանց ծնողներին, ուսուցիչներին՝ բոլոր նրանց, ովքեր ծառայում են ապագա սերունդներին դաստիարակելուն։ Մաղթում եմ ձեզ խաղաղություն, բարգավաճում և հետաքրքիր կյանք միասնական և ուժեղ Վրաստանում»,- ասում է Գիորգի Ամիլախվարին։