Խորհրդարանի նախագահի առաջին տեղակալ, Վրաստանի խորհրդարանի տարածքային ամբողջականության և ապաօկուպացիայի ժամանակավոր հանձնաժողովի նախագահ, Գիա Վոլսկին հանդիպել է Վրաստանում Կարմիր խաչի միջազգային կոմիտեի պատվիրակության ղեկավար Սեվերին Շապազի հետ։ Տեղեկությունը տարածում է խորհրդարանի մամուլի ծառայությունը։

Գերատեսչության տվյալներով՝ հանդիպմանը հրաժարական տվող Սեվերին Շապազը Վրաստանի խորհրդարանի առաջին փոխնախագահին ներկայացրել է իրեն փոխարինող Էնն Մոնթագոնին։ Կողմերը քննարկել են Վրաստանի և Կարմիր խաչի միջազգային կոմիտեի համագործակցությանը վերաբերող հարցեր։ Զրույցի թեման հիմնականում Վրաստանի տարածքային ամբողջականության համար մղվող պայքարում կորցրած և զոհված մարդկանց աճյունների հայտնաբերման և փոխանակման հարցն էր։

«Կարմիր խաչի միջոցով մենք բազմաթիվ մարդկանց բերեցինք և նաև շատ լուրջ էր Կարմիր Խաչին մշտապես ներգրավել օկուպացված տարածքներից բուժօգնության տեղափոխելու գործընթացում։ Նրանք այս առումով մեծ աշխատանք են կատարել։ Մենք խոսեցինք այն մասին, թե ինչպես կշարունակվեն մեր հարաբերությունները ապագայում»,- ասել է Գիա Վոլսկին։

Կողմերը քննարկել են համագործակցության հետագա հեռանկարները։