Խորհրդարանի առաջին փոխխոսնակ Գիա Վոլսկու խոսքով, կան քաղաքական կուսակցություններ, որոնց շահագրգռվածությունը Եվրամիության 12 հանձնարարականների իրականացումը չէ։

Վոլսկու խոսքով, իրենք ամեն ինչ կանեն, որպեսզի չդադարեցնեն այն ռազմավարությունը, որը կոչվում է ապակայունացում և դավադրություն Վրաստանի դեմ։

«Ես պետք է բազմիցս կրկնեմ և հանրությանը նորից ու նորից տեղյակ պահեմ, որ կան մարդիկ, քաղաքական կուսակցություններ, նրանց անվանեք ռադիկալ կամ ծայրահեղական, չգիտեմ, բայց փաստն այն է, որ 12 առաջարկությունների կատարումը չի բխում նրանց շահերից և ամեն ինչ անելու են, որպեսզի խուսափեն ապաբևեռացման հիմնական պահանջից Չնայած այն հանգամանքին, որ նոր ընտրական օրենք է ընդունվել, նրանք արմատական, սխալ, իսկ շատ դեպքերում՝ հեգնական դիրքորոշում կունենան բոլոր հարցերի վերաբերյալ, որոնք վերաբերում են անգամ Վենետիկի հանձնաժողովի մեկնաբանություններին, կարծիքներին և առաջարկներին, կարծես թե. աշխատանքներն այս ուղղությամբ արդեն ավարտված են, կարծես 12 հոդվածներն արդեն ներդրված են։ Ցանկացած քաղաքական աջակցություն, որը կարող է ստանալ Վրաստանի կառավարությունը դեկտեմբերին, կլինի նրանց քաղաքական ծայրահեղականության վերջը, և նրանք կանեն ամեն ինչ՝ դադարեցնելու այդ ռազմավարությունը։ Այս ռազմավարությունը կոչվում է ապակայունացում և դավադրություն Վրաստանի դեմ»,- Վրաստանի Առաջին ալիքին ասել է Գիա Վոլսկին։