Ղազախստանի մայրաքաղաք Նուր-Սուլթանից դեպի Քութայիսի միջազգային օդանավակայան ուղիղ չվերթով 68 ուղևոր է ժամանել։ Այդ մասին Վրաստանի Առաջին ալիքին հայտնել է Օդանավակայանների միության հասարակայնության հետ կապերի ղեկավար Նանա Բարամիձեն։

Միաժամանակ, ըստ Նանա Բարամիձեի, նույն ինքնաթիռով Ղազախստան են թռել 182 ուղեւոր, այդ թվում՝ հինգ անչափահաս։

«Ավիաընկերությունների տրամադրած նախնական տեղեկատվության համաձայն՝ վաղը չվերթ կիրականացվի Աքտաուից դեպի Թբիլիսիի միջազգային օդանավակայան։ Առայժմ բանակցություններ են ընթանում օդանավի չափսերի վերաբերյալ, ուստի ուղևորների ճշգրիտ թիվը չենք կարող ասել։ Բայց մեզ հաստատ ասում են, որ այն պետք է կատարվի վաղը։

Ինչ վերաբերում է նախատեսված չվերթներին, ապա կանոնավոր չվերթները նախատեսված են չվացուցակով, ուղղակի չգիտենք, թե որքանով է կատարվելու։ Վրաստանի բոլոր միջազգային օդանավակայանները լիովին պատրաստ են թռիչքներ ընդունել Ղազախստանից կամ որևէ այլ երկրից։ Ես չեմ կարող ձեզ պատասխանել թռիչքների հետաձգման և չհետաձգման մասին, ավիաընկերությունները պետք է խոսեն այդ մասին»,- ասել է Նանա Բարամիձեն։

Միաժամանակ, Վրաստանի արտաքին գործերի նախարարության տվյալներով, այսօր Քութայիսի-Նուր-Սուլթան չվերթով «FlyArystan»-ով հայրենիք են վերադարձել Վրաստանի երեք քաղաքացիներ, իսկ Աքտաու քաղաքից Վրաստանի 60 քաղաքացի նախատեսում է վերադառնալ հայրենիք։