Ղազախստանի նախագահ. Եթե իրականում կիրառվի ազգերի ինքնորոշման իրավունքը, ապա քաոս կտիրի, այդ պատճառով մենք չենք ճանաչում Թայվանը, Կոսովոն, «Հարավային Օսեթիան», Աբխազիան, Լուգանսկը և Դոնեցկը
Ղազախստանի նախագահ Ղասիմ-Ժոմարտ Տոկաևի խոսքով, իր պետությունը չի ճանաչում այսպես կոչված Լուգանսկի և Դոնեցկի Ժողովրդական Հանրապետությունները, քանի որ ազգերի ինքնորոշման սկզբունքի համատարած կիրառումը կարող է հանգեցնել քաոսի։ Այս մասին հայտնում են ռուսական լրատվամիջոցները։
«Գնահատվում է, որ եթե աշխարհում իրականում իրականացվի ազգերի ինքնորոշման իրավունքը, ապա 193 պետությունների փոխարեն, որոնք ներկայումս ՄԱԿ-ի անդամ են, Երկրի վրա կլինեն 500-ից ավելի կամ 600-ից ավելի պետություններ։ Իհարկե, քաոս է լինելու։ Այդ պատճառով մենք չենք ճանաչում Թայվանը, Կոսովոն, Հարավային Օսեթիան կամ Աբխազիան։
«Եվ թվում է, որ այդ սկզբունքը կտարածվի քվազիպետական տարածքների վրա, որոնք, մեր կարծիքով, Լուգանսկն ու Դոնեցկն են»,- ասել է Տոկաևը Սանկտ Պետերբուրգի միջազգային տնտեսական ֆորումի լիագումար նիստում, որին մասնակցել է նաև ՌԴ նախագահ Վլադիմիր Պուտինը: