Ղազախստանի նախագահ. Միջին միջանցքը «Գոտի և ճանապարհ» նախագծի, Տրանսեվրոպական տրանսպորտային ցանցի և «Գլոբալ դարպասների» ռազմավարության հետ կապելը հզոր ազդեցություն կունենա համաշխարհային առևտրի վրա:
Միջին միջանցքը «Գոտի և ճանապարհ» նախագծի, ինչպես նաև «Տրանսեվրոպական տրանսպորտային ցանցի» և «Գլոբալ դարպասի» ռազմավարության հետ կապելը հզոր բազմապատկիչ ազդեցություն կտա համաշխարհային առևտրին,- այս մասին Ղազախստանի նախագահ Կասիմ-Ժոմարտ Տոկաևը հայտարարել է Կենտրոնական Ասիայի տնտեսությունների համար ՄԱԿ-ի հատուկ ծրագրի գագաթնաժողովում իր ելույթում:
«Մեր երկրները վերածվել են մայրցամաքային կամուրջի Եվրոպայի և Ասիայի միջև։ Սա հսկայական առավելություն է, որից մենք պետք է լիովին օգտվենք։ Այս առումով Ղազախստանը մեծ հույսեր է կապում Միջին միջանցքի զարգացման հետ։ Առաջիկա տարիներին ակնկալում ենք այս երթուղու բեռների քանակի ավելացում։ Համոզված եմ, որ Միջին միջանցքը «Գոտի և ճանապարհ» նախագծի, ինչպես նաև Տրանսեվրոպական տրանսպորտային ցանցի (TEN-T) և «Գլոբալ դարպասների» ռազմավարության հետ կապելը հզոր բազմապատկիչ ազդեցություն կունենա համաշխարհային առևտրի վրա: Միաժամանակ, Ղազախստանը պատրաստ է ակտիվ համագործակցության Հյուսիս-Հարավ միջանցքի զարգացման գործում։ Բոլոր գործընկերներին հրավիրում եմ փոխշահավետ համագործակցության՝ Կասպից ծովի նավահանգիստների հնարավորությունների ընդլայնման, ինչպես նաև տրանսպորտային նավերի համատեղ արտադրության համար»,- նշել է Ղազախստանի նախագահը։
