Գերմանիայում հասարակական տրանսպորտի աշխատակիցները գործադուլ են հայտարարել
Գերմանիայի քաղաքներում այսօր գործադուլ են անում հասարակական տրանսպորտի աշխատակիցները։ Նաև այսօր նախատեսվում են կլիմայի պաշտպանների ընդհանուր գործողություններ ողջ հանրապետությունում։
Գերմանիայի մեծ հատվածներում հասարակական տրանսպորտը գրեթե ամբողջությամբ կաթվածահար է:
Գործադուլը կազմակերպում են արհմիությունները։ Նրանք պահանջում են բարելավել աշխատանքային պայմանները հասարակական տրանսպորտի աշխատակիցների համար, ինչը նշանակում է կրճատել աշխատաժամանակը և պահպանել աշխատավարձերը։ Նրանք պահանջում են նաև արձակուրդի օրերի ավելացում։