Գերմանիայում ասում են, որ երկրում անօրինական գտնվող մարդկանց զանգվածային արտաքսման կադրեր չունեն։ Այս մասին հայտնում են գերմանական լրատվամիջոցները՝ հենվելով ոստիկանական արհմիությունների ներկայացուցիչների վրա։

Ինչպես ասում է Գերմանիայի ոստիկանների արհմիության ղեկավար Յոխեն Կոպելկեն, եթե արտաքսումները մեծանան, ոստիկանությունը ստիպված կլինի շատ ավելի մեծ ուժ կիրառել այդ գործընթացում։

Տեղեկության համար՝ Գերմանիայի ներքին գործերի նախարար Նենսի Ֆեսերը հայտնել է, որ իր գերատեսչությունը պատրաստվում է ներկայացնել Գերմանիայից անօրինական միգրանտների արտաքսման ընթացակարգերը հեշտացնելու և արագացնելու ծրագիր։ Համապատասխան օրենսդրական փաթեթը կառավարություն կուղարկվի առաջիկա օրերին։

«Նրանք, ովքեր իրավունք չունեն մնալու Գերմանիայում, թող լքեն մեր երկիրը»,- ասել է Ֆեզերը։

Մինչ այդ Գերմանիայի կանցլեր Օլաֆ Շոլցը խոսել է Գերմանիայում անօրինական գտնվող մարդկանց զանգվածային արտաքսման անհրաժեշտության մասին։