Վրաստանի արտաքին գործերի նախարար Միխեիլ Ջանելիձեն Գերմանիայում բնակվող Վրաստանի քաղաքացիներին, ովքեր ցանկանում են վերադառնալ հայրենիք, կոչ է անում օգտվել Գերմանիայի Դաշնային Հանրապետության առաջարկից:

Ինչպես հայտարարել է Ջանելիձեն, սա Գերմանիայի կառավարության աջակցությունն է՝ նպաստել Գերմանիա մեկնած քաղաքացիներին, վերադառնալ իրենց երկրներ:

Նրա խոսքով, գերատեսչությունը նշված տեղեկությունը կտարածի առավելագույնս ակտիվ, սփյուռքի և համապատասխան կազմակերպությունների միջոցով, որպեսզի բոլորը կարողանան օգտվել նշված հնարավորությունից և վերադառնան հայրենիք:

«Հույս ենք հատնում, որ սա կբերի կոնկրետ արդյունք այն մարդկանց համար, ովքեր ցանկանում են վերադառնալ իրենց հայրենիք»,- հայտարարել է Միխեիլ Ջանելիձեն:

Գերմանիայի կառավարության և միգրացիայի միջազգային կազմակերպության փոխհամագործակցությամբ իրականացվում է «REAG/GARP – Reintegration and Emigration Programme for Asylum-Seekers in Germany (REAG); Government Assisted Repatriation Programme (GARP)» նախագիծը, որը կամավոր հայրենիք վերադառնալու ցանկացող այլ երկրի քաղաքացիներին, այդ թվում Վրաստանի քաղաքացիներին, առաջարկում է նյութական և ոչ նյութական օգնություն: Ծրագրի շրջանակներում հաշվի է առնված ինչպես հայրենիք վերադառնալու ուղևորածախսը, այնպես էլ հավելյալ ֆինանսական օգնություն ստանալու հնարավորություն: