Գերմանիայի խորհրդարանը չի աջակցել միգրացիոն քաղաքականության խստացման օրինագիծը
Գերմանիայի խորհրդարանը չի աջակցել միգրացիոն քաղաքականության խստացման օրինագծին։ Օրինագիծը ներկայացրել է Քրիստոնեա-դեմոկրատական միության առաջնորդ Ֆրիդրիխ Մերցը։
Առաջին առաջարկը, որն ընդունվել է հունվարի 29-ին ծայրահեղ աջ «Այլընտրանք Գերմանիայի համար» կուսակցության աջակցությամբ, զանգվածային բողոքի ցույցեր է առաջացրել։ Ի տարբերություն առաջին միջնորդության, օրինագիծն այժմ իրավաբանորեն պարտադիր էր, ինչը նշանակում է, որ այն կդառնար օրենք, եթե Մերցի գլխավորած աջային կենտրոնամետ Քրիստոնեա-դեմոկրատական միությունը (CDU) հավաքեր բավարար ձայներ՝ աջակցելու համար, և այն հաստատվեր խորհրդարանի վերին պալատի կողմից:
Մերցը պնդում էր, որ այժմ անհրաժեշտ են միգրացիայի վերաբերյալ որոշումներ՝ անկախ նրանից, թե ով է աջակցում դրանց։ Գերմանիայի արտաքին գործերի նախարար Անալենա Բերբոկը Մերցին մեղադրել է ժողովրդավարությունը չպաշտպանելու մեջ՝ ընտրելով աշխատել «Այլընտրանք Գերմանիայի համար» կուսակցության հետ:
Գերմանական լրատվամիջոցների փոխանցմամբ՝ երկրում անցկացված հարցումների համաձայն՝ Գերմանիայի բնակչության ճնշող մեծամասնությունը կողմ է միգրացիոն քաղաքականության խստացմանը։ Այնուամենայնիվ, նույնքան մեծ մեծամասնությունը դեմ է ցանկացած քաղաքական կուսակցության՝ «Այլընտրանք Գերմանիայի համար» կուսակցության հետ կոալիցիոն համաձայնագրի կնքմանը։ Ըստ հարցումների՝ Քրիստոնեա-դեմոկրատական միությանը աջակցում է ընտրողների 30 տոկոսը, իսկ Ֆրիդրիխ Մերցը երկրի հաջորդ կանցլերը դառնալու լավ հնարավորություններ ունի։ Երկրորդ տեղում է «Այլընտրանք Գերմանիայի համար» կուսակցությունը՝ շուրջ 20 տոկոսով։