Գերմանիայի Դաշնային կառավարությունը պաշտոնական տեղեկատվություն է տարածել Գերմանիայի կանցլեր Օլաֆ Շոլցի և Վրաստանի վարչապետ Իրակլի Ղարիբաշվիլիի հանդիպման մասին։

Ինչպես նշվում է մամուլի հաղորդագրության մեջ, Օլաֆ Շոլցը Իրակլի Ղարիբաշվիլիի հետ քննարկել է Վրաստանի հետ բազմաբնույթ համագործակցության ընդլայնումը, անվտանգության և եվրոպական քաղաքականության ներկայիս խնդիրները, ինչպես նաև Ուկրաինայի դեմ Ռուսաստանի ագրեսիվ պատերազմի հետևանքները։

Գերմանիայի դաշնային կառավարության հաղորդմամբ՝ կանցլերն ընդգծել է, որ Գերմանիան կշարունակի աջակցել Վրաստանին Եվրամիության ճանապարհին և կոչ է արել Վրաստանի կառավարությանը անհրաժեշտ քայլեր ձեռնարկել բարեփոխումների առումով։ Օլաֆ Շոլցի խոսքով՝ Եվրահանձնաժողովի հանձնարարականները մատնանշում են թեկնածուի կարգավիճակի ուղին։

Նրանց տեղեկություններով՝ Օլաֆ Շոլցը Վրաստանի կառավարությանը կոչ է արել առաջիկա շաբաթներին անհրաժեշտ ջանքեր գործադրել ժամանակին և առավելագույն ջանքերով։