Վրաստանում Գերմանիայի արտակարգ և լիազոր դեսպան Պիտեր Ֆիշերի խոսքով՝ Վրաստանի համար կարևոր է Եվրամիության հանձնարարականների կատարումը, որ գործընթացը պետք է լինի ներառական և ժողովրդավարական։ Նրա խոսքով, կարևոր է նաև, որ արդյունքները համապատասխանեն եվրոպական չափանիշներին։

Այս մասին Գերմանիայի դեսպանը լրագրողներին ասել է «Մեծահասակների ուսուցումը և կրթությունը Հարավային Կովկասում. Հիմնական փուլերը» միջազգային համաժողովի մեկնարկից առաջ։

«Ճանապարհը շատ պարզ է, հանձնարարականները՝ հրապարակային։ Կառավարությունն ունի օրենսդրական գործընթաց: Դեռ վաղ է դատել, պետք է արդյունքը տեսնել։ Երկու բան է կարևոր՝ առաջինը ներառական, ժողովրդավարական, բազմակարծիք գործընթաց է, և երկրորդը՝ արդյունքները համապատասխանում են եվրոպական չափանիշներին»,- ասել է Պիթեր Ֆիշերը։

Բացի այդ, Պիթեր Ֆիշերի խոսքով՝ ինքը ուրախ է Վրաստանում գտնվելու համար։ Նրա խոսքով, մեծահասակների կրթության խթանումը շատ կարևոր է:

«Ես շատ ուրախ եմ այստեղ լինելու համար։ Մեծահասակների կրթության խթանումը չափազանց կարևոր է, քանի որ այս տարիքում անհրաժեշտ է զարգացնել և թարմացնել մասնագիտական ​​հմտությունները: Սա տնտեսության ու երկրի բարգավաճման սկիզբն է»,- նշել է Գերմանիայի դեսպանը։

Թբիլիսիում տեղի է ունենում «Մեծահասակների ուսուցումը և կրթությունը Հարավային Կովկասում. Հիմնական փուլեր» միջազգային համաժողովը։ Համաժողովին մասնակցում են մեծահասակների կրթության շուրջ 100 փորձագետներ, հետազոտողներ և քաղաքական որոշումներ կայացնողներ՝ Գերմանիայից, Եվրոպական Միությունից, նրա ոչ անդամ երկրներից և DVV International-ի գործընկեր տարածաշրջաններից: Համաժողովի մասնակիցները կքննարկեն Հարավային Կովկասում մեծահասակների ուսուցման և կրթության մարտահրավերներն ու ձեռքբերումները: Միջազգային համաժողովը պաշտոնապես բացել են Վրաստանի կրթության և գիտության փոխնախարարը և Վրաստանում Գերմանիայի դեսպանը։ Երկօրյա միջոցառումը կազմակերպվում է Գերմանիայի կառավարության ֆինանսական աջակցությամբ։