Մենք ուշադիր հետևում ենք Վրաստանում ընթացող իրադարձություններին և հույս հայտնում, որ կողմերը կկարողանան երկխոսության ճանապահով լուծել խնդիրը,- այս մասին հայտարարել է Գերմանիայի արտաքին գործերի նախարար Հաիկո Մաասը՝ Վրաստանի արտաքին գործերի նախարար Դավիթ Զալկալիանիի հետ Բեռլինում անցկացված համատեղ մամլո ասուլիսին:

«Եթե կարողանանք մենք էլ մեր ներդրումն ունենալ այս գործընթացում, հաճույքով կանենք դա»,- նշել է Գերմանիայի արտաքին գերատեսչության ղեկավարը:

Բացի այդ, նրա խոսքով, Գերմանիան Վրաստանի կողքին է երկրի անկախության և տարածքային ամբողջականության հարցում:

«Վրաստանի ինքնիշխանությունը մեզ համար առևտուր անելու առարկա չէ: Վրացիներն արդեն երկու տարի է, առանց վիզա ուղևորվում են Գերմանիա, իսկ վրացիների համար փակում են «վարչական» սահմանը և մասսայաբար սահմանափակվում է մարդկանց ազատ տեղաշարժը Հարավային Օսեթիայում և Աբխազիայում: Նրանցից շատերին ձերբակալում են և այս ամենը պետք է ավարտվի»,- հայտարարել է Հաիկո Մաասը:

Նա զրուցել է նաև Վրաստան-Գերմանիա հարաբերությունների մասին և նշել, որ Գերմանիան Վրաստանի հետ ունի սերտ հարաբերություններ: