Էկոնոմիկայի և կայուն զարգացման փոխնախարար Գենադի Արվելաձեն հանդիպել է Սաուդյան Արաբիայի արտաքին առևտրի գործակալության փոխտնօրեն Աբդուլազիզ Ալսաքրանին, ով գլխավորում էր այս երկրի պատվիրակությունը «Թբիլիսիի մետաքսի ճանապարհի ֆորումում»։ Նշենք, որ Սաուդյան Արաբիայից Թբիլիսյան ֆորումին այցելել է ներկայացուցչական պատվիրակությունն։ Դրանում ներկայացված էին 24 խոշոր ընկերություններ տնտեսության տարբեր ոլորտներից։

Հանդիպմանը կողմերը խոսել են երկկողմ առեւտրատնտեսական հարաբերությունների եւ դրանց խորացման առաջնահերթ ուղղությունների մասին։ Դրական է գնահատվել Վրաստանի և Սաուդյան Արաբիայի առևտրաարդյունաբերական պալատների միջև համագործակցության մասին հուշագրի ստորագրումը, որի շրջանակներում ստեղծվել է համատեղ բիզնես խորհուրդ։ Նշված միությունը կունենա երկու համանախագահ՝ որպես առեւտրային պալատների ղեկավարներ։

Հատուկ ուշադրություն է դարձվել Պարսից ծոցի արաբական երկրների համագործակցության խորհրդի անդամների հետ ազատ առևտրի համաձայնագրի ստորագրման կարևորությանը։

Հանդիպմանը մասնակցել են նաև «Make in Georgia» գործակալության ներկայացուցիչները, ովքեր Սաուդյան Արաբիայի կողմին ներկայացրել են ներդրումային նախագծերը։ Նշվել է, որ այս ուղղությամբ կխորացվի կողմերի համագործակցությունը։

Հատուկ ուշադրություն է դարձվել զբոսաշրջության և քաղաքացիական ավիացիայի ոլորտներում համագործակցությանը։

Հանդիպմանը քննարկվել է նաև էներգետիկայի, օգտակար հանածոների, տեղեկատվական տեխնոլոգիաների և այլ ոլորտներում համագործակցության խորացումը։

Տեղեկությունը տարածում է Վրաստանի էկոնոմիկայի և կայուն զարգացման նախարարության մամուլի ծառայությունը։