Վրաստանի ներքին գործերի նախարար Գեկա Գելաձեն հանդիպել է ԱՄՆ պետքարտուղարության հակաթմրամիջոցային և իրավապահ մարմինների հետ համագործակցության բյուրոի Եվրոպայի և Ասիայի գրասենյակի տնօրեն Մարկ Տերվակոսկիի հետ։

ՆԳ նախարարության հաղորդմամբ, հանդիպման ժամանակ ՆԳ նախարարը խոսել է նախարարությունում իրականացվող և ընթացող բարեփոխումների, ինչպես նաև հանցագործության, այդ թվում՝ թմրամիջոցների դեմ պայքարի ուղղությամբ ձեռնարկված միջոցառումների մասին։

«Կողմերը քննարկել են նաև Ներքին գործերի նախարարության և թմրամիջոցների դեմ պայքարի և իրավապահ մարմինների հետ համագործակցության բյուրոյի միջև արդյունավետ գործընկերությունը և համագործակցության ապագա ծրագրերը։

Հանդիպումը տեղի է ունեցել Ուզբեկստանի Սամարղանդ քաղաքում ընթացող միջազգային ֆորումի շրջանակներում, որը կազմակերպվել է ՄԱԿ-ի թմրամիջոցների և հանցագործության դեմ պայքարի գրասենյակի և Ուզբեկստանի Հանրապետության նախագահի աշխատակազմի կողմից։ Ֆորումին մասնակցում են տարբեր երկրների համապատասխան գերատեսչությունների ղեկավարներ, ոլորտի փորձագետներ և միջազգային և տարածաշրջանային կազմակերպությունների ներկայացուցիչներ», – ասվում է ՆԳՆ-ի հաղորդագրության մեջ։