«Գախարիան Հանուն Վրաստանի » կուսակցության Նինոծմինդայի սակրեբուլոյի համամասնական ցուցակի չորս անդամներ լքել են կուսակցությունը։

Համամասնական ցուցակի առաջին համարը՝ Սոփիկո Նիկացաձեն, այս մասին գրել է սոցիալական ցանցում։

Նրա խոսքով՝ Գախարիայի կուսակցությունը ներգրավված է բռնի ծրագրերի մեջ, ինչը նրանց համար անընդունելի է։

«Իմ թիմակիցների՝ Արթուր Տոնականյանի, Նիկոլայ Սուխարուկովի և Վլադիսլավ Անանիկյանի հետ միասին, որոնք երկրորդ, երրորդ և չորրորդ համարներն են, մենք միանում ենք «Լելո»-ի այն անդամներին, ովքեր համարձակվել են լքել իրենց կուսակցությունը, քանի որ դրա առաջնորդները աջակցում են բռնությանը։ Մենք լքում ենք Գախարիա կուսակցությունը, որի առաջնորդները, չնայած հակառակն են ասում, ներգրավված են բռնի ծրագրերի մեջ և այլ հեռանկար չեն տեսնում», – ասում է Սոփիկո Նիկացաձեն։