Գաստրոէնտերոլոգ Ստյուարտ Ֆինկելը հայտարարում է, որ ֆիզիկապես չի ստուգել դատապարտյալ Միխեիլ Սաակաշվիլիին։ Այս մասին գաստրոէնտերոլոգը հայտարարել է Թբիլիսիի քաղաքային դատարանում, որտեղ քննարկվում է Միխեիլ Սաակաշվիլիին բուժման նպատակով արտերկիր տեղափոխելու հարցը։

Ինչպես նշել է Ստյուարտ Ֆինկելը, Միխեիլ Սաակաշվիլիին տրվել են դեղեր, որոնք հաստատված չեն։

Քրեակատարողական ծառայության ներկայացուցչի հարցին՝ «փորձագետը պարզաբանել է, որ ինքը ծանոթ է Վրաստանի առողջապահության ստանդարտին և օրենսդրությանը, գիտի՞ արդյոք, թե Վրաստանի օրենսդրությամբ որ չհաստատված դեղամիջոցն է տրվել դատապարտյալին, Ստյուարտ Ֆինկելը պատասխանել է. այս մասին տեղեկություն ունեմ, ես ունեմ փաստաթուղթ, որը վերաբերում է լավ փորձի չափանիշներին»:

Սակայն քրեակատարողական ծառայության ներկայացուցչի մեկ այլ հարցին, թե ի՞նչ նկատի ունի չհաստատված դեղեր ասելով, գաստրոէնտերոլոգն ասաց. «Այսինքն՝ այդ դեղերը հայտնի չեն որպես անվտանգ և օգտակար, կարծում եմ՝ Վրաստանում այդ դեղերը հաստատված չեն, քանի որ դրանք հաստատված չեն դեղերի ամերիկյան գործակալության և Առողջապահության համաշխարհային կազմակերպության կողմից: Կարծում եմ՝ հետազոտությունս կատարել եմ վրացական օրենսդրությանը համապատասխան՝ հաշվի առնելով այն, որ ուղղակիորեն ֆիզիկապես չեմ զննել հիվանդին»։