Միջգերատեսչական համակարգող խորհրդի կողմից կայացված որոշման հիման վրա, բարձր համաճարակային ռիսկի պատճառով, Գարդաբանիի մունիցիպալիտետի Ղարաջալար գյուղում գործարկվել են կարանտինային սահմանափակումներ:

ՆԳՆ-ի տարածած տեղեկության համաձայն, Ղարաջալարի մուտքի և ելքի մոտ տեղադրվել են սահմանային անցակետեր, որտեղ ներքին գործերի նախարարության աշխատակիցները շուրջօրյա ռեժիմում վերահսկելու են կարանտինային սահմանափակումները:

«Իրավապահների կողմից վերահսկվում են նաև գյուղ տանող երկրորդական ճանապարհները:

Կենդանի ուժից բացի, կարանտինային տարածքի մշտական հսկողության գործընթացում կկիրառվեն նաև ԱԹՍ-ներ:

Վրաստանի տարածքում գտնվող յուրաքանչյուր անձ պարտավոր է, ենթարկվել հանրային առողջապահության ոլորտում գործող Վրաստանի օրենսդրության պահանջներին»,- հայտարարում են ՆԳՆ-ում: