G7 երկրները կոչ են անում Չինաստանին ճնշում գործադրել Ռուսաստանի վրա՝ Ուկրաինայում պատերազմը դադարեցնելու համար
«Մեծ յոթնյակի» երկրները կոչ են անում Չինաստանին ճնշում գործադրել Ռուսաստանի վրա՝ Ուկրաինայում պատերազմը դադարեցնելու համար։
Այս մասին ասված է «Մեծ յոթնյակի» համատեղ կոմյունիկեի մեջ։
«Քանի որ Ռուսաստանը մղում է իր չարդարացված, չհրահրված և անօրինական պատերազմն Ուկրաինայի դեմ, մենք կոչ ենք անում Չինաստանին ճնշում գործադրել Ռուսաստանի վրա՝ անհապաղ կատարի Արդարադատության միջազգային դատարանի 2022 թվականի մարտի 16-ի իրավաբանորեն պարտավորեցնող կարգադրությունը՝ կատարելու ՄԱԿ-ի Գլխավոր ասամբլեայի բանաձևերը», ասված է կոմյունիկեի մեջ։
Միևնույն ժամանակ, G7 երկրներն ընդգծել են Չինաստանի հետ գլոբալ մարտահրավերների շուրջ համագործակցելու անհրաժեշտությունը և կոչ են արել Չինաստանին կատարել միջազգային իրավունքով ստանձնած պարտավորությունները և նպաստել միջազգային անվտանգությանը։
«Մենք կոչ ենք անում Չինաստանին հավատարիմ մնալ վեճերի խաղաղ կարգավորման ՄԱԿ-ի կանոնադրության սկզբունքին և զերծ մնալ սպառնալիքներից, հարկադրանքից, ահաբեկումից և ուժի կիրառումից»,- ասվում է հայտարարության մեջ։