Լավ է, որ կուսակցությունները կարողացան միասին նստել, և հուսով եմ, որ այն մարդիկ, ովքեր ցանկանում են պետության համար ամենալավը, կգտնեն համաձայնության գալու և առաջ շարժվելու ուղի, – ասաց Վրաստանում Ֆրանսիայի դեսպան Դիեգո Կոլասը:

Կոլասը նշում է, որ կարեւոր է միավորել ուժերը:

«Կարծում եմ, շատ լավ էր, որ Եվրոպական խորհրդի նախագահ Շառլ Միշելը այցելեց Վրաստան, և դա օգտակար այց էր: Սա ցույց տվեց, որ Եվրոպան հոգ է տանում Վրաստանի մասին, և որ մենք մտահոգված ենք այս երկրի ժողովրդավարական զարգացմամբ:

Այժմ միջնորդության գործընթացն է ընթանում: Շատ լավ է, որ քաղաքական կուսակցությունները կարողացան միասին նստել և առաջարկներ ներկայացնել: Բոլոր կողմերը վերահաստատում են իրենց դիրքորոշումը, որ պատրաստ են աշխատել փոխզիջման համար: Հուսով եմ, որ ներկայացված առաջարկներն ու լուծումները, որոնք ներկայացվել են բազմաթիվ կազմակերպությունների կողմից, համատեղում են բազմաթիվ գաղափարներ, և այն մարդիկ, ովքեր ցանկանում են պետության համար լավագույնը, անպայման կգտնեն ելք և առաջ շարժվելու միջոց:

Աշխարհում կան բազմաթիվ մարտահրավերներ, և Վրաստանն իրոք պետք է ներդնի իր ողջ էներգիան՝ այդ մարտահրավերները հաղթահարելու համար: Մենք պատրաստ ենք աջակցել Վրաստանին այս ճանապարհին: Կարևոր է միավորել ուժերը», – ասաց Դիեգո Կոլասը: