Ֆրանսիան պահանջում է անկախ հետաքննություն անցկացնել Գազայում մարդասիրական օգնություն բաժանելու ժամանակ տեղի ունեցած միջադեպի վերաբերյալ։

«Պահանջում ենք բացատրություն, եւ անկախ հետաքննություն պետք է իրականացվի՝ պարզելու, թե ինչ է տեղի ունեցել։ Ֆրանսիան ամեն ինչ անվանում է. Մենք ասացինք, որ «Համասը» ահաբեկչական կազմակերպություն է, բայց պետք է նաև անուն տանք այն վայրագություններին, որոնք կատարվում են Գազայում», – ասել է Ֆրանսիայի արտգործնախարար Ստեֆան Սեժուրնեն։

Ըստ Սեժուրնեի՝ Ֆրանսիայի համար երկակի ստանդարտներն անընդունելի են։

Արտաքին գործերի նախարարի խոսքով՝ եթե հաստատվի, որ Իսրայելի կողմից իրականացված հարձակումը ռազմական հանցագործություն էր, ապա այս գործով պետք է շահագրգռված լինի դատարանը։

Լրատվամիջոցների տվյալներով՝ Գազայի հատվածի հյուսիսային հատվածում մարդասիրական օգնության բաշխման միջադեպի ժամանակ ավելի քան 100 մարդ է զոհվել, 800-ը՝ վիրավորվել։

Համաձայն տարածված տեղեկությունների՝ պաղեստինցիները սպասում էին մարդասիրական ապրանքներով լի բեռնատարներին։ Նրանց քաոսը իսրայելական զինված ուժերի կողմից ընկալվել է որպես սպառնալիք, և նրանք կրակ են բացել պաղեստինցիների վրա։