Ֆրանսիան պաշտպանում է Հաագայի դատարանի որոշումը՝ Իսրայելի վարչապետին և ՀԱՄԱՍ-ի առաջնորդներին ձերբակալելու օրդեր պահանջելու վերաբերյալ: Այս մասին հայտնում է «Սի Էն Էն»-ը։

«Իսրայելի հետ կապված, դատարանը պետք է որոշի, թե արդյոք պետք է արձակի այդ օրդերները՝ ուսումնասիրելուց հետո դատախազի կողմից ներկայացված մեղադրանքները հիմնավորելու համար։ Ֆրանսիան աջակցում է Միջազգային քրեական դատարանին, նրա անկախությանը և անպատժելիության դեմ պայքարին բոլոր իրավիճակներում», – ասված է Ֆրանսիայի արտաքին գործերի նախարարության հայտարարության մեջ։

Փարիզում նաև ասում են, որ «երկար ամիսներ» զգուշացրել են Իսրայելին միջազգային մարդասիրական իրավունքը խստորեն հետևելու անհրաժեշտության մասին՝ «հատկապես հաշվի առնելով քաղաքացիական զոհերի անընդունելի մակարդակը և Գազայի հատված մարդասիրական հասանելիության բացակայությունը»:

Հիշեցնենք, որ Միջազգային քրեական դատարանի դատախազ Քարիմ Խանը պահանջում է Իսրայելի վարչապետի և ՀԱՄԱՍ-ի առաջնորդների ձերբակալման օրդեր տրամադրել։