Ֆոքս Նյուս-ի նախնական տվյալներով՝ Դոնալդ Թրամփը դարձել է ԱՄՆ 47-րդ նախագահը։

Լրատվամիջոցի կանխատեսմամբ՝ Դոնալդ Թրամփն ունի ընտրական քոլեջի 277 ձայն, իսկ դեմոկրատ թեկնածու, ներկայիս փոխնախագահ Կամալա Հարիսը՝ 226։

Տեղեկության համար՝ Ամերիկայի Միացյալ Նահանգներում ընթանում են նախագահական ընտրությունները։ Ընտրություններում միմյանց դեմ կհանդիպեն նախկին նախագահ Դոնալդ Թրամփը Հանրապետական ​​կուսակցությունից և փոխնախագահ Քամալա Հարիսը՝ Դեմոկրատական ​​կուսակցությունից։ Նախագահական ընտրություններում քվեարկելու իրավունք ունի ավելի քան 150 միլիոն ամերիկացի։ Մինչև 80 միլիոն ընտրող իր ընտրությունը կատարել է մինչև նոյեմբերի 5-ը՝ ընտրությունների օրը։

Ընտրական քոլեջը վճռորոշ դեր է խաղում ԱՄՆ ընտրական համակարգում, որտեղ յուրաքանչյուր նահանգի ներկայացվածությունը կախված է բնակչության թվից: Ընտրական քոլեջում ընդհանուր առմամբ կա 538 պատվիրակ, իսկ ընտրություններում հաղթելու համար նախագահի թեկնածուն պետք է հավաքի 270 ձայն։