Ֆլորիդայի դպրոցում տեղի ունեցած հրաձգության հետեւանքով 17 զոհվածներից 12-ի ինքնությունը հաստատվել է, լրագրողներին հայտնել է Բրովարդ շրջանի շերիֆ Սքոթ Իսրայելը:
«Մենք պարզել ենք 17 զոհվածներից 12-ի անձը»,- ասել է շերիֆը մամուլի ասուլիսի ժամանակ, որը հեռարձավել է CNN-ով:
Նրա խոսքով՝ ոստիկանությունը շարունակում է աշխատանքները բոլոր զոհերի ինքնությունը պարզելու համար, իսկ իրավապահ մարմինները զոհերի ցանկը չեն հրապարակի, մինչեւ նրանց ազգականներին տեղեկացնելը:
Հրաձգությունը տեղի է ունեցել չորեքշաբթի ցերեկը Մայամիից 60 կմ հեռավորությամբ գտնվող Փարքլենդ քաղաքի դպրոցում: Այնտեղ սովորում է 14-ից 18 տարեկան մոտ 3 հազար երեխա: Բրովարդի շրջանի շերիֆի տվյալներով՝ հրաձգության հետեւանքով զոհվել է 17 մարդ: Բժիշկները հայտնել են, որ տուժածներից 3-ի վիճակը կրիտիկական է:
Շերիֆը հաստատել է հրաձգության մեջ կասկածվողին ձերբակալելու տեղեկությունը, որն այս դպրոցի նախկին աշակերտ, 1999 թվականին ծնված Նիկոլաս Քրուզն է: Դեռահասը դպրոցից հեռացվել էր կարգապահության հետ կապված խնդիրների պատճատով:
