Տարածաշրջանում ստեղծված տնտեսական բարդությունների, ինչպես նաև որոշ հարևան երկրներում առկա փոխարժեքային ճգնաժամի ֆոնին, «Fitch» հեղինակավոր միջազգային վարկային ընկերությունը պահպանեց Վրաստանի վարկային վարկանիշը «BB» դրական հեռանկարով: Այս մասին Առաջին ալիքին տեղեկացրել են Վրաստանի ֆինանսների նախարարությունից:

Գերատեսչության տեղեկությամբ, Վրաստանի վարկային վարկանիշի գնահատականը կարևոր ուղերձ է ներդրողների համար, աջակցում է Վրաստանի նկատմամբ վստահության պահպանմանը և էկոնոմիկայի զարգացմանը, քանի որ վարկանիշային ընկերության զեկույցում ընդգծված է այն դրական դինամիկան, որ երկրի էկոնոմիկայում առկ է ընթացիկ տարվա սկզբից:

Մասնավորապես, ֆինանսների նախարարության տեղեկությամբ, «Fitch»-ն ընդգծում է Արժույթի միջազգային հիմնադրամի հետ Վրաստանի համագործակցությունը և դրական գնահատում ծրագրի հաջող ընթացքը: