Financial Times. Ուկրաինան դադարեցրել է ինտենսիվ մարտերը Նովոռոսիյսկ նավահանգստի մոտ՝ Ջեյ Դի Վենսի խնդրանքից հետո

Ուկրաինան դադարեցրել է ինտենսիվ ռազմական գործողությունները Նովոռոսիյսկի կարևոր սևծովյան նավահանգստի մոտ՝ ԱՄՆ փոխնախագահ Ջ.Դ. Վենսի խնդրանքով,- հաղորդում է Financial Times-ը՝ հղում անելով աղբյուրներին։

Հրապարակման համաձայն, Վաշինգտոնը վախենում էր, որ ուկրաինական հարվածները կկանգնեցնեն նավթի շուկան և կվնասեն ամերիկյան ընկերություններին։

Financial Times-ի տվյալներով՝ Ջ.Դ. Վենսը հուլիսի 31-ին հեռախոսազրույցի ժամանակ խնդրել է Վլադիմիր Զելենսկիին դադարեցնել հարձակումները, որից հետո Ուկրաինան դադարեցրել է տերմինալի մոտ գտնվող տանկերների վրա հարձակումը։

Տանկերները ղազախական նավթ են տեղափոխում դեպի Նովոռոսիյսկի ռուսական նավահանգստում գտնվող Կասպյան խողովակաշարերի կոնսորցիումի տերմինալ։

Աղբյուրների տվյալներով՝ Ուկրաինան համաձայնել է չհարձակվել Կասպյան խողովակաշարերի կոնսորցիումի ենթակառուցվածքների վրա, ինչպես նաև չհարձակվել նավերի վրա, եթե այդ նավերը չեն գտնվում ուկրաինական պատժամիջոցների տակ և չեն տեղափոխում ռուսական նավթ կամ այլ ռուսական բեռներ։

Financial Times-ի տվյալներով՝ ԱՄՆ վարչակազմի պաշտոնյան հաստատել է, որ Վաշինգտոնը խնդրել է Կիևին չհարձակվել Սև ծովում գտնվող Կասպյան խողովակաշարերի կոնսորցիումի ենթակառուցվածքների վրա։ Նրա խոսքով՝ այս կոնսորցիումը կարևոր է Եվրոպայի համար, քանի որ դրա խողովակաշարը տեղափոխում է ղազախական նավթ, և այն Եվրոպայի համար ռուսական նավթի այլընտրանք է։

Հրապարակման աղբյուրի խոսքով՝ Կիևը համաձայնել է Դոնալդ Թրամփի վարչակազմի խնդրանքին, քանի որ ձգտում է Միացյալ Նահանգներից ստանալ Patriot հրթիռային համակարգը արտադրելու լիցենզիա։