Ռուսաստանը սկսել է ռազմաբազաներ հիմնել Ֆինլանդիայի սահմանի մոտ։ Ֆիննական լրատվամիջոցները տեղեկատվություն են տարածում արբանյակային պատկերների հիման վրա։

Լրատվամիջոցները հայտնում են, որ այս շինարարական նախագծերը առաջին շոշափելի նշանն են, որ երկար տարիներ անց Ռուսաստանի Դաշնությունը կրկին սկսել է ներդրումներ կատարել Ֆինլանդիայի սահմանին մոտ գտնվող ռազմակայաններում։

Ֆինլանդիայի պաշտպանության նախարար Անտի Հակինենի խոսքով՝ արբանյակային նկարներում նկատված փոփոխությունները վտանգ չեն ներկայացնում Ֆինլանդիայի համար։

Ֆիննական հրատարակությունը նշում է նաև, որ Պետրոզավոդսկի ռազմական պահեստի առաջնահերթ խնդիրը, ամենայն հավանականությամբ, կլինի տեխնիկայի առաքումն ուկրաինական ճակատ։

Հիշեցնենք, որ Ֆինլանդիայի ՆԱՏՕ-ին անդամակցելուց հետո Ռուսաստանի պաշտպանության նախարար Սերգեյ Շոյգուն հայտարարել էր, որ Ռուսաստանը կուժեղացնի իր զինված ուժերը Ֆինլանդիայի սահմանին։