Ֆիլիպ Ռիկեր. Վրաստանում գտնվելու ընթացքում ես սերտորեն համագործակցում էի Վրաստանի ղեկավարների հետ՝ Հայաստանի և Ադրբեջանի միջև միջնորդության համար, Իրակլի Ղարիբաշվիլին անփոխարինելի դեր խաղաց այս գործընթացում
Անցյալ տարի, երբ գտնվում էի Վրաստանում, ես սերտորեն համագործակցում էի վրացի առաջնորդների հետ՝ միջնորդելու Հայաստանի և Ադրբեջանի միջև: Վարչապետ Իրակլի Ղարիբաշվիլին անփոխարինելի դեր խաղաց՝ ապահովելով գերիների փոխանակումը և մարտական գոտում ականների տեղաբաշխման մասին տեղեկության փոխանցումը,- ասել է կովկասյան բանակցությունների հարցերով ԱՄՆ գլխավոր խորհրդական, դեսպան Ֆիլիպ Ռիկերը։
Ֆիլիպ Ռիկերի խոսքով՝ Վրաստանը շարունակում է նպաստել տարածաշրջանային անվտանգությանը։
«Ես ուրախ եմ վերադառնալ Վրաստան, երկիր, որը չափազանց կարևոր է տարածաշրջանային խաղաղության, կայունության և հարաբերությունների համար: Անցյալ տարի, երբ ես այստեղ էի, ես սերտորեն համագործակցում էի վրացի առաջնորդների հետ՝ միջնորդելու ձեր հարևանների՝ Հայաստանի և Ադրբեջանի միջև: Վարչապետ Իրակլի Ղարիբաշվիլին անփոխարինելի դեր խաղաց՝ ապահովելով գերիների փոխանակումը և մարտական գոտում ականների տեղաբաշխման մասին տեղեկության փոխանցումը: ԵՄ մոնիտորինգի հնարավորությունների աջակցությամբ Վրաստանը շարունակում է նպաստել տարածաշրջանային անվտանգությանը, և ես ուրախ եմ կրկին հանդիպել վարչապետի հետ և քննարկել տարածաշրջանային խնդիրները»,- ասել է Ռիկերը։
Բացի այդ, կովկասյան բանակցությունների հարցերով ԱՄՆ-ի գլխավոր խորհրդական Ֆիլիպ Ռիկերի խոսքերով, ԱՄՆ-ը հանձնառու է օգնել Վրաստանին ապահովելու իր անվտանգությունն ու բարեկեցությունը:
«Հոկտեմբերին ես գլխավորեցի ԱՄՆ պատվիրակությունը Ժնևում միջազգային բանակցություններում։ Այս այցի ընթացքում ես կքննարկեմ, թե ինչպես շարունակել ջանքերը տարածաշրջանային խաղաղության, կայունության և բարգավաճման համար, ներառյալ այն, թե ինչպես ԱՄՆ-ն և Վրաստանը կարող են նպաստել Վրաստանում ռուսական օկուպացիայի խաղաղ կարգավորմանը և ճնշում գործադրել Ռուսաստանի վրա՝ հարգելու 2008 թվականի հրադադարի համաձայնագրով ստանձնած պարտավորությունները: Միացյալ Նահանգները հանձնառու է աջակցել Վրաստանի անվտանգության և բարգավաճման ապահովմանը, ինչպես դա արել է վերջին 30 տարիների ընթացքում: Այս աջակցությունը ներառում է մեր հաստատակամ հավատարմությունը Վրաստանի ինքնիշխանությանը և տարածքային ամբողջականությանը: Մենք հպարտ ենք, որ կանգնած ենք Վրաստանի կողքին, մինչ դուք ձգտում եք անդամակցել ՆԱՏՕ-ին և ԵՄ-ին: ԱՄՆ-ը կշարունակի անել ամեն ինչ, որպեսզի օգնի հասնել եվրաատլանտյան ինտեգրմանը, քանի որ դա այն ապագան է, որը ժողովուրդը ցանկանում է և արժանի է»,- ասել է Ռիկերը։
