Ես հաստատում եմ Գիորգի Վաշաձեի հայտարարությունը, Վրաստանում վաղուց կա որոշակի «Ֆե Էս Բեի» խումբ, որը կոչվում է «Ազգային շարժում», Խոշտարիա և այլն։ Այդ մարդիկ աշխատում են Վրաստանի դեմ, ասել է խորհրդարանական մեծամասնության անդամ Իրակլի Զարքուան։

Նրա խոսքով՝ իրենք փորձում են խառնել երկիրը և մեծացնել քաոսը։

«Նրանք փորձում են քանդել այս երկիրը և վերածել քաոսի։ Նրանք փորձեցին դա անել, և ոչինչ չստացվեց: Ինչ վերաբերում է Վաշաձեին, ասեք նրան, որ նա ապուշ է»,- ասել է Իրակլի Զարքուան։

Տեղեկության համար, «Ռազմավարություն Աղմաշենեբելի»-ի առաջնորդ Գիորգի Վաշաձեն օրերս լրագրողների հետ զրույցում անդրադարձավ այն պատճառներին, թե ինչու կուսակցությունը չմասնակցեց խորհրդարանում Եվրամիության 12 կետերի վերաբերյալ սկսված խորհրդակցություններին։ Խոսելով այդ հարցի շուրջ՝ Վաշաձեն նշել է. «Մենք բացառում ենք բանակցությունները Պապուաշվիլիների և Դիտո Սամխարաձեների կոլեկտիվների հետ։ Իմաստ չկա խոսել այն մարդկանց հետ, որոնց չեն հարցնում, թե ինչ որոշում կկայացնեն։ Նրանց առաջադրանք է տալիս ոչ միայն Իվանիշվիլին, այլև «Ֆե Էս Բեի» խմբերը։