Էստոնիայի վարչապետ Քրիստիան Միխալը աջակցություն է հայտնել Ուկրաինայի կողմից Բալթյան տարածաշրջանում ռուսական նավահանգստային օբյեկտների վրա հարվածներին։

Քրիստիան Միխալը հայտարարություն է արել այն բանից հետո, երբ Էստոնիայի և Ֆինլանդիայի տարածքում կրկին անօդաչու թռչող սարքեր են նկատվել։

Քրիստիան Միխալը միջադեպերի համար մեղադրել է Կրեմլին՝ նշելով, որ Ռուսաստանը հարձակվել է ուկրաինական «քաղաքացիական օբյեկտների վրա, որոնք ոչ մի կերպ ռազմական թիրախ չեն»։

Նա ասել է, որ հասկանալի է, որ Ուկրաինան պաշտպանվում է։

«Մեզ համար լիովին հասկանալի է, որ Ուկրաինան պաշտպանվում է և ոչնչացնում Ռուսաստանի փող աշխատելու մեքենան, այդ թվում՝ պաշտպանության համար նախատեսված տարբեր նավահանգստային օբյեկտներ», – ասել է Էստոնիայի վարչապետը Եվրոպական քաղաքական միության (ԵՔՄ) ութերորդ գագաթնաժողովից առաջ տված հարցազրույցում։

Այնուամենայնիվ, նա ասել է, որ «պատերազմական բեկորները» չպետք է մտնեն Էստոնիայի օդային տարածք։

«Մեր պարզ խնդրանքը կամ ուղերձն այն է, որ «պատերազմական բեկորները» չպետք է մտնեն մեր օդային տարածք», – ասել է Քրիստեն Միխալը։

Բացի այդ, Էստոնիայի վարչապետը խոսել է այն տեխնոլոգիական դժվարությունների մասին, որոնց բախվում են Ռուսաստանին և Ուկրաինային սահմանակից երկրները՝ ռազմական անօդաչու թռչող սարքերը վերահսկելու և խոցելու հարցում, երբ դրանք հատում են իրենց սահմանները։

Նրա խոսքով՝ Էստոնիան գնում է նոր ռադարային համակարգեր և արդեն ունի ՀՕՊ համակարգեր։