Էստոնիան տարիներ շարունակ աջակցում է Վրաստանին։ Մենք լավ ընկերներ ենք, բայց Վրաստանը պետք է շատ հստակ պատկերացնի ժողովրդավարության, դատարանի և արդարադատության իրավիճակը, և մենք պատրաստվում ենք այս հարցերը տալ, թե ինչ է կատարվում,- ասել է Էստոնիայի արտգործնախարար Մարգուս Ցահկնան։

«Մենք 100 տոկոսով աջակցում ենք Վրաստանին, սակայն կան որոշակի քայլեր, որոնք պետք է ձեռնարկի Վրաստանի կառավարությունը, քանի որ մենք ունենք բազմաթիվ հարցեր ժողովրդավարական իրավիճակի հետ կապված»,- ասել է Մարգուս Ցահկնան։

Ինչ վերաբերում է ԵՄ արտաքին հարաբերությունների խորհրդի (FAC) նիստի շրջանակներում կայանալիք հանդիպմանը, որին կմասնակցի ԱԳ նախարար Իլիա Դարչիաշվիլին, Էստոնիայի արտաքին գործերի նախարարի խոսքով, կարևոր է նշել, որ Վրաստանն իրենց հետ է:

«Սպասում եմ հանդիպելու վրացի ընկերներիս։ Կարևոր է նշել, որ Վրաստանը մեզ հետ է»,- ասել է նա։