Էրդողանին վիրավորելու համար թուրք բասկետբոլիստին սպառնում է մինչև 4 տարի ազատազրկում
Թուրքիայի նախագահին վիրավորելու համար թուրք հայտնի բասկետբոլիստ Էնես Քանթերի նկատմամբ մեղադրական եզրակացությունը ներկայացվել է դատարանին։
Թուրքական Evrensel–ի փոխանցմամբ՝ դատախազության կողմից պատրաստված մեղադրական եզրակացության մեջ Էնես Քանթերը մեղադրվում է սոցցանցերով Թուրքիայի նախագահին վիրավորելու և նվաստացնելու մեջ։
Մեղադրող կողմը բասկետբոլիստի համար պահանջում է 1–ից 4 տարվա ազատազրկում։
Նշվում է, որ Էնես Քանթերը ԱՄՆ-ում բնակվող թուրք ընդիմադիր Ֆեթհուլա Գյուլենի ակտիվ աջակիցն է:
Հիշեցնենք, այս տարի մայիսին չեզոքացրել են նրա թուրքական անձնագիրը, որը նա համարել է քաղաքական հետապնդում:
Հեղինակ -
Edgar Barsegyan