ԱՄՆ-ի պետքարտուղար Էնթոնի Բլինկենի հայտարարությամբ, ինքը չի ենթադրում, որ Պուտինը Օլիմպիական խաղերի ժամանակ հարձակվելու է Ուկրաինայի վրա, ինչպես դա եղավ Վրաստանի դեպքում։

«Սի Բի Էս»-ին տված հարցազրույցում, լրագրողների այն հարցին, թե արդյոք Պեկինի Օլիմպիական խաղերը որևէ ազդեցություն կունենան Պուտինի հաշվարկների վրա, քանի որ Ռուսաստանը ներխուժեց Վրաստան Օլիմպիական խաղերի ժամանակ, ԱՄՆ-ի պետքարտուղարն ասաց, որ Ռուսաստանի նախագահի հաշվարկները չեն ազդի Օլիմպիական խաղերի վրա։

«Դուք նրան պետք է հարցնեք. Ես այդպես չեմ կարծում. Կարծում եմ՝ Ռուսաստանն իր որոշումները կկայացնի՝ ելնելով նախագահ Պուտինի կողմից իրենց շահերից բխող հաշվարկից։ Եթե ​​ագրեսիա լինի, կլինեն լայնածավալ հետևանքներ։ Այդպիսով ընտրությունը նրանցն է», – ասել է Բլինկենը:

ԱՄՆ-ի պետքարտուղարի խոսքով՝ եթե նույնիսկ մեկ լրացուցիչ ռուսական ուժ ագրեսիվ կերպով մտնի Ուկրաինա, դա կհանգեցնի Վաշինգտոնի և Եվրոպայի արագ, կոշտ և միասնական պատասխանին։ Բլինկենի խոսքով՝ ԱՄՆ-ն և Եվրոպան դիտարկում են բոլոր տեսակի սցենարներ և պատրաստվում են արձագանքել դրանց։